“Gremio” hujumchisi Luis Suares klub rahbariyatiga sog‘ligi tufayli faoliyatini yakunlashni rejalashtirayotganini aytdi, deb xabar beradi Esporte GZH.
Manbaning xabariga ko‘ra, 36 yoshli urugvaylik futbolchi tizzasidagi muammolar tufayli futbolni tark etish haqida o‘ylamoqda. Futbolchi yaqin orada “Gremio” rahbariyati bilan uchrashishni rejalashtirgan.
Braziliya klubi shartnoma tuzmoqchi, unga ko‘ra futbolchi jamoadan ketganidan keyin boshqa klub bilan shartnoma imzolasa, "Gremio" tovon puli oladi.
Suares yanvar oyidan beri "Gremio"da o‘ynamoqda. U klub safida 25 ta o‘yinda maydonga tushib, 11 ta gol urdi va 8 ta golli uzatmani amalga oshirdi.
