“Гремио” ҳужумчиси Луис Суарес клуб раҳбариятига соғлиги туфайли фаолиятини якунлашни режалаштираётганини айтди, деб хабар беради Esporte GZH.

Манбанинг хабарига кўра, 36 ёшли уругвайлик футболчи тиззасидаги муаммолар туфайли футболни тарк этиш ҳақида ўйламоқда. Футболчи яқин орада “Гремио” раҳбарияти билан учрашишни режалаштирган.

Бразилия клуби шартнома тузмоқчи, унга кўра футболчи жамоадан кетганидан кейин бошқа клуб билан шартнома имзоласа, "Гремио" товон пули олади.

Суарес январь ойидан бери "Гремио"да ўйнамоқда. У клуб сафида 25 та ўйинда майдонга тушиб, 11 та гол урди ва 8 та голли узатмани амалга оширди.