"Manchester Siti" yarim himoyachisi Kalvin Fillips jamoani tark etish niyatida emasligini aytdi.
“Men “Manchester Siti”da qolish niyatidaman. Biz treblni qo‘lga kiritdik, shuning uchun ketishga asosim yo‘q. Men o‘ynamayapman deb ayta olmayman, "Manchester Siti"da ko‘p futbolchilarga jamoada o‘z o‘rnini egallash uchun vaqt kerak bo‘ladi", - deya Fillipsning so‘zlarini keltirgan jurnalist Mayk Minay.
27 yoshli yarim himoyachi o‘tgan yilning iyul oyida "Lids"dan "Manchester Siti"ga o‘tgan edi. 2022/23 yilgi mavsumda u barcha musobaqalarda 21 ta o‘yinda maydonga tushgan.