«Manchester Yunayted» bosh murabbiyi Erik ten Xag hamon «Yuventus» yarim himoyachisi Adriyen Rabyodan umidini uzmagan, u 1 iyul kuni erkin agentga aylanishi mumkin. Eslatib o‘tamiz, futbolchining «keksa sinyora» bilan shartnomasi tugaydi.
Jurnalist Fabrisio Romanoning yozishicha, «Manchester Yunayted» allaqachon futbolchining onasi, o‘g‘lining agenti hisoblangan Veronic Rabyo bilan bog‘langan. Tomonlar mumkin bo‘lgan hamkorlik shartlarini muhokama qilishga ulgurdi.
Eslatib o‘tamiz, o‘tgan yozda «Manchester Yunayted» Rabyoning transferiga yaqin edi, biroq klub yarim himoyachi bilan shaxsiy shartnoma borasida kelisha olmagandi.
