"Milan" yarim himoyachisi Sandro Tonali "Nyukasl"ga o‘tishga yaqin turibdi.
Avvalroq, ingliz klubi 23 yoshli italiyalik uchun 50 million yevro taklif qilgani haqida xabar berilgandi. Manbaga ko‘ra, "Milan" bu taklifni rad etgan, ammo "Nyukasl" taklifni 70 million yevroga oshirgan va hozir tomonlar kelishuvga yaqin.
Tonali o‘tgan mavsumda “Milan” safida barcha turnirlarda 48 ta o‘yinda maydonga tushib, 2 ta gol urdi va 10 ta golli uzatmani amalga oshirdi. Transfermarkt portali uning narxini 50 million yevroga baholamoqda.