"Милан" ярим ҳимоячиси Сандро Тонали "Ньюкасл"га ўтишга яқин турибди.
Аввалроқ, инглиз клуби 23 ёшли италиялик учун 50 миллион евро таклиф қилгани ҳақида хабар берилганди. Манбага кўра, "Милан" бу таклифни рад этган, аммо "Ньюкасл" таклифни 70 миллион еврога оширган ва ҳозир томонлар келишувга яқин.
Тонали ўтган мавсумда “Милан” сафида барча турнирларда 48 та ўйинда майдонга тушиб, 2 та гол урди ва 10 та голли узатмани амалга оширди. Transfermarkt портали унинг нархини 50 миллион еврога баҳоламоқда.