"Barselona" "Tottenxem" va Argentina terma jamoasi yarim himoyachisi Jovani Lo Chelsoni sotib olishi mumkin. Bu haqda Ispaniyaning AS nashri xabar bermoqda.

Manbaga ko‘ra, Lo Chelso kataloniyaliklar safida Lionel Messining o‘rniga keladigan futbolchi sifatida ko‘rilmoqda. Qayd etilishicha, “Barselona” bosh murabbiyi Xavi “Tottenxem” futbolchisini sotib olish tarafdori.

Jovani Lo Chelso o‘tgan mavsumda "Vilyarreal"da ijara asosida o‘ynadi, u Ispaniya klubi uchun La Ligada 22 ta o‘yinda maydonga tushib, 2 ta gol urdi va 3 ta golli uzatmani amalga oshirdi.