"Барселона" "Тоттенхэм" ва Аргентина терма жамоаси ярим ҳимоячиси Жовани Ло Чельсони сотиб олиши мумкин. Бу ҳақда Испаниянинг AS нашри хабар бермоқда.
Манбага кўра, Ло Чельсо каталонияликлар сафида Лионель Мессининг ўрнига келадиган футболчи сифатида кўрилмоқда. Қайд этилишича, “Барселона” бош мураббийи Хави “Тоттенхэм” футболчисини сотиб олиш тарафдори.
Жовани Ло Чельсо ўтган мавсумда "Вильярреал"да ижара асосида ўйнади, у Испания клуби учун Ла Лигада 22 та ўйинда майдонга тушиб, 2 та гол урди ва 3 та голли узатмани амалга оширди.