Jurnalist Janluka Di Marsio xabariga ko‘ra, "Fiorentina" "Vilyarreal" hujumchisi Bulaye Diaga qiziqish bildirmoqda.
Italiya klubi hozircha rasmiy taklif bilan chiqqani yo‘q, biroq yaqin vaqt ichida 26 yoshli senegallik futbolchining transferi bo‘yicha muzokaralarga kirishishini kutmoqda.
2022/23 yilgi mavsumda Dia "Salernitana" safida ijara asosida o‘ynagan va jamoa uchun 33 o‘yinda 16 gol va 6 golga assistentlik qilgan.
Transfermarkt.com portali futbolchining narxini 25 million yevroga baholamoqda.