"Fulxem" "Sevilya" hujumchisi Lukas Okamposni sotib olmoqchi, deya xabar beradi Football Insider.
Manbaning xabariga ko‘ra, London klubi 28 yoshli argentinalik futbolchining transferi bo‘yicha allaqachon muzokaralarga kirishgan.
Hujumchi o‘tgan mavsumning birinchi yarmini ijara asosida "Ayaks"da o‘tkazdi va 2023 yilning yanvarida futbolchi "Sevilya"ga qaytdi. Umuman olganda, 2022/23 yilgi mavsumda u 35 ta o‘yinda 5 ta gol urdi va 2 ta golli uzatmani amalga oshirdi.
Transfermarkt.com portali futbolchining narxini 12 million yevroga baholamoqda.