"Tottenxem" "Yuventus" himoyachisi Gleyson Bremerga qiziqish bildirmoqda.
Xabarlarga ko‘ra, "shporlar"ning yangi bosh murabbiyi Ange Postekoglu o‘zining himoya chizig‘ini kuchaytirmoqchi va 26 yoshli braziliyalikni munosib nomzod sifatida ko‘rmoqda. Turin klubi yozda bir nechta o‘yinchini sotishni rejalashtirmoqda, himoyachi jamoani tark etishi mumkin bo‘lgan futbolchilar ro‘yxatida.
Bremer "Yuventus"da 2022 yilning iyulidan buyon to‘p tepadi. 2022/23 yilgi mavsumda u jamoa safida barcha musobaqalarda 43 ta o‘yinda maydonga tushib, 5 ta gol urdi va 1 ta golli uzatmani amalga oshirdi.
Transfermarkt.com portali braziliyalik futbolchining narxini 40 million yevroga baholamoqda.