Yarim himoyachi Sandro Tonalining "Milan"dan "Nyukasl"ga o‘tishi mumkin bo‘lgan tafsilotlar ma’lum bo‘ldi.
MilanLive nashrining La Republicca nashriga tayanib xabar berishicha, 23 yoshli italiyalik futbolchi jamoani tark etishni istamagan. "Milan" uni sotmoqchi ekanligini bilgach, futbolchi yig‘lab yubordi.
Qayd etilishicha, futbolchini “rossonerilar” bosh skauti Joffre Monkada chaqirgan va u Tonalini “Nyukasl” taklifiga rozi bo‘lishga undagan. Rad etilgan taqdirda, Monkada 2027 yilgacha shartnoma shartlarini qayta ko‘rib chiqishini qayd etdi.
Tonalining ketish qaroriga Paolo Maldinining klub direktori lavozimidan ketishi ham ta’sir ko‘rsatdi.
Oldinroq insayder Fabrisio Romano "Nyukasl" Tonali uchun rekord darajadagi 70 million yevro to‘lashini aytgandi.