"Milan" "Nyukasl"ga o‘tadigan Sandro Tonaliga o‘rinbosar topdi, deya xabar beradi Pazzi Di Fanta.
Manbaga ko‘ra, italyan klubi "Benfika" yarim himoyachisi Florentino Luisni o‘z safiga qo‘shib olmoqchi. "Milan" rahbariyati futbolchining ehtimoliy transferi bo‘yicha vakillari bilan aloqaga chiqqan. Futbolchining shartnomasida tovon puli 30 million yevroni tashkil etadi.
Florentino Luis "Benfika" tarbiyalanuvchisi. 2022/23 yilgi mavsumda futbolchi barcha musobaqalarda jamoasi safida 54 ta o‘yinda maydonga tushib, 3 ta golli uzatmani amalga oshirgan.
Transfermarkt.com portali 23 yoshli portugaliyalikning narxini 20 million yevroga baholamoqda.