Himoyachi Kalidu Kulibali nima uchun Saudiyaning “Al-Hilol” klubi futbolchisiga aylanganini aytdi. U yangi jamoada oladigan pullarini Senegaldagi xayriya ishlariga sarflashni rejalashtirayotganini aytdi.
“Men bu juda katta shartnoma ekanligini inkor etmayman. Bu mablag‘ mening qarorimga ta’sir qildi, ammo shu tarzda men butun oilamni boqishim va Senegaldagi yoshlar uchun loyihalarga yordam berishim mumkin. Biz shuningdek tug‘ilgan qishlog‘imda poliklinika qurishni boshladik”, — deb Kulibali so‘zlarini keltiradi Eurofoot.
"Al-Hilol" 25 iyun, yakshanba kuni Kulibalining transferini e’lon qildi. 32 yoshli senegallik Saudiya Arabistoni jamoasida 3-raqam ostida to‘p suradi.
