"Bavariya" hujumchisi Sadio Manening agenti Bakari Sisse futbolchi bu yozda jamoani tark etmasligini aytdi.

“Men Saudiya Arabistonidan qiziqish haqida eshitmadim. Uning "Bavariya"da qolishi aniq. U 3 yillik shartnoma imzoladi. U endi bir yil o‘tkazdi va hali yana ikki yil bor. Demak, ha, hozircha u "Bavariya"da qolmoqda", - deya Sisse so‘zlarini keltiradi insayder Fabrisio Romano.

Oldinroq senegallik futbolchiga "Nyukasl" va Saudiyaning "Al-Ittifoq" klublari qiziqayotgani xabar qilingandi. Shuningdek, "Bavariya" 31 yoshli futbolchi bilan xayrlashish niyatida ekani ham xabar qilingandi.

2022/23 yilgi mavsumda Mane 38 ta o‘yinda maydonga tushib, 12 ta gol urdi va 6 ta golli uzatmani amalga oshirdi. Senegallikning "Bavariya" bilan shartnomasi 2025 yilning 30 iyuniga qadar amal qiladi.