"Бавария" ҳужумчиси Садио Маненинг агенти Бакари Сиссе футболчи бу ёзда жамоани тарк этмаслигини айтди.
“Мен Саудия Арабистонидан қизиқиш ҳақида эшитмадим. Унинг "Бавария"да қолиши аниқ. У 3 йиллик шартнома имзолади. У энди бир йил ўтказди ва ҳали яна икки йил бор. Демак, ҳа, ҳозирча у "Бавария"да қолмоқда", - дея Сиссе сўзларини келтиради инсайдер Фабрицио Романо.
Олдинроқ сенегаллик футболчига "Ньюкасл" ва Саудиянинг "Ал-Иттифоқ" клублари қизиқаётгани хабар қилинганди. Шунингдек, "Бавария" 31 ёшли футболчи билан хайрлашиш ниятида экани ҳам хабар қилинганди.
2022/23 йилги мавсумда Мане 38 та ўйинда майдонга тушиб, 12 та гол урди ва 6 та голли узатмани амалга оширди. Сенегалликнинг "Бавария" билан шартномаси 2025 йилнинг 30 июнига қадар амал қилади.
