Myunxenning "Bavariya" klubi "Napoli" himoyachisi Kim Min Chje bilan shaxsiy shartnoma shartlari bo‘yicha kelishuvga umid qilmoqda.
Fabrisio Romanoning so‘zlariga ko‘ra, kelishuvning asosiy tafsilotlari 26 yoshli koreyalik harbiy xizmatni o‘taganidan so‘ng muhokama qilinadi.
"Bavariya" futbolchi bilan 2028 yilgacha shartnoma imzolamoqchi. Myunxenliklar "Napoli"ga Italiya klubi bilan shartnomada ko‘rsatilgan tovon puli miqdorida pul to‘laydi.
Kim Min Chje o‘tgan mavsumda barcha musobaqalarda 45 ta o‘yinda maydonga tushib, 2 ta gol va 2 ta golli uzatmaga mualliflik qilgan. Transfermarkt uning narxini 60 million yevroga baholamoqda.
2022/23 yilgi mavsum yakunida Kim Min Chje A Seriyaning eng yaxshi himoyachisi deb topildi.