Мюнхеннинг "Бавария" клуби "Наполи" ҳимоячиси Ким Мин Чжэ билан шахсий шартнома шартлари бўйича келишувга умид қилмоқда.
Фабрицио Романонинг сўзларига кўра, келишувнинг асосий тафсилотлари 26 ёшли кореялик ҳарбий хизматни ўтаганидан сўнг муҳокама қилинади.
"Бавария" футболчи билан 2028 йилгача шартнома имзоламоқчи. Мюнхенликлар "Наполи"га Италия клуби билан шартномада кўрсатилган товон пули миқдорида пул тўлайди.
Ким Мин Чжэ ўтган мавсумда барча мусобақаларда 45 та ўйинда майдонга тушиб, 2 та гол ва 2 та голли узатмага муаллифлик қилган. Transfermarkt унинг нархини 60 миллион еврога баҳоламоқда.
2022/23 йилги мавсум якунида Ким Мин Чжэ А Сериянинг энг яхши ҳимоячиси деб топилди.
