Insayder Janluka Di Marsioning so‘zlariga ko‘ra, "Milan" vinger Adama Traoreni o‘z safiga qo‘shib olishi mumkin.
30 iyun kuni 27 yoshli ispaniyalik futbolchining "Vulverxempton" bilan shartnomasi tugaydi, shundan so‘ng u erkin agentga aylanadi. Traorening potensial transferini "Milan" bosh murabbiyi Stefano Pioli ma’qulladi.
O‘tgan mavsumda futbolchi "bo‘rilar" safida 40 ta o‘yinda maydonga tushib, 3 ta gol urdi va 2 ta golli uzatmani amalga oshirdi.