Инсайдер Жанлука Ди Марционинг сўзларига кўра, "Милан" вингер Адама Траорени ўз сафига қўшиб олиши мумкин.
30 июнь куни 27 ёшли испаниялик футболчининг "Вулверхэмптон" билан шартномаси тугайди, шундан сўнг у эркин агентга айланади. Траоренинг потенциал трансферини "Милан" бош мураббийи Стефано Пиоли маъқуллади.
Ўтган мавсумда футболчи "бўрилар" сафида 40 та ўйинда майдонга тушиб, 3 та гол урди ва 2 та голли узатмани амалга оширди.