Qatarda bo‘lib o‘tgan so‘nggi jahon chempionatining eng yaxshi darvozabonlaridan biri Dominik Livakovich faoliyatini top chempionatda davom ettirishi mumkin.
Jurnalist Fabrisio Romanoning yozishicha, “Fiorentina” rahbariyati xorvatiyalik darvozabon uchun taklif yuborgan. Xabar qilinishicha, kelishuv summasi turli bonuslarni hisobga olmaganda olti million yevroga yetishi mumkin. Shuningdek, “Dinamo” rahbarlari boshqa klublar bilan Livakovichni sotish imkoniyati borasida muzokaralar olib borayotgani ma’lum.
Eslatib o‘tamiz, Dominik Livakovich Zagreb klubida 2015 yildan buyon o‘ynab kelmoqda.
