Қатарда бўлиб ўтган сўнгги жаҳон чемпионатининг энг яхши дарвозабонларидан бири Доминик Ливакович фаолиятини топ чемпионатда давом эттириши мумкин.

Журналист Фабрицио Романонинг ёзишича, “Фиорентина” раҳбарияти хорватиялик дарвозабон учун таклиф юборган. Хабар қилинишича, келишув суммаси турли бонусларни ҳисобга олмаганда олти миллион еврога етиши мумкин. Шунингдек, “Динамо” раҳбарлари бошқа клублар билан Ливаковични сотиш имконияти борасида музокаралар олиб бораётгани маълум.

Эслатиб ўтамиз, Доминик Ливакович Загреб клубида 2015 йилдан буён ўйнаб келмоқда.