Madridning “Atletiko” klubi hujumchisi Alvaro Morata “Milan”ga o‘tishi mumkin.

"Rossonerilar" 30 yoshli futbolchini o‘z safiga qo‘shib olishga anchadan beri qiziqish bildirishgan. Jurnalist Alessio Alaimoning so‘zlariga ko‘ra, "Milan" "Atletiko" bilan bog‘lanib, ehtimoliy transfer masalasini muhokama qilishgan.

Alvaro Morataning "matraschilar" bilan amaldagi shartnomasi kelasi yilning iyunigacha hisoblangan. Transfermarkt portali ekspertlari hujumchining transfer qiymatini 20 million yevroga baholamoqda.

O‘tgan mavsumda Morata "Atletiko" safida barcha musobaqalarda 45 ta o‘yinda maydonga tushib, 15 ta gol urdi va 3 ta golga assistentlik qildi.