Myunxenning "Bavariya" klubi "Napoli" himoyachisi Kim Min Chje bilan shaxsiy shartnoma shartlari bo‘yicha to‘liq og‘zaki kelishuvga erishdi.
26 yoshli koreyalik futbolchi o‘tishga rozi bo‘ldi va 2028 yilgacha mo‘ljallangan besh yillik shartnoma imzolaydi. Endi Myunxen klubi futbolchi uchun tovon puli to‘lashi kerak.
Kim Min Chje o‘tgan mavsumda barcha musobaqalarda 45 ta o‘yinda maydonga tushib, 2 ta gol va 2 ta golli uzatmaga mualliflik qilgan. Transfermarkt uning narxini 60 million yevroga baholamoqda.