Londonning “Chelsi” klubi Meyson Maunt jamoani tark etgan taqdirda qanday choralar ko‘rishini o‘ylab qo‘ydi. Jurnalist Nizar Kinsella xabariga ko‘ra, "ko‘klar" Ispaniyaning "Selta" klubidan Gabriel Veygani sotib olmoqchi.
Yarim himoyachining amaldagi klubi bilan shartnomasida tovon puli 40 million yevroni tashkil etadi. Ayni vaqtda futbolchi uchun Angliyaning yana ikki klubi – “Liverpul” va “Manchester Siti” ham kurash olib bormoqda.
Veyga Ispaniya chempionatining so‘nggi mavsumida 11 ta gol va 3 ta golli uzatmani amalga oshirdi va shu tufayli u La Liganing asosiy kashfiyotlaridan biriga aylandi. Futbolchi endigina 21 yoshda.
