Лондоннинг “Челси” клуби Мэйсон Маунт жамоани тарк этган тақдирда қандай чоралар кўришини ўйлаб қўйди. Журналист Низар Кинселла хабарига кўра, "кўклар" Испаниянинг "Сельта" клубидан Габриэль Вейгани сотиб олмоқчи.
Ярим ҳимоячининг амалдаги клуби билан шартномасида товон пули 40 миллион еврони ташкил этади. Айни вақтда футболчи учун Англиянинг яна икки клуби – “Ливерпуль” ва “Манчестер Сити” ҳам кураш олиб бормоқда.
Вейга Испания чемпионатининг сўнгги мавсумида 11 та гол ва 3 та голли узатмани амалга оширди ва шу туфайли у Ла Лиганинг асосий кашфиётларидан бирига айланди. Футболчи эндигина 21 ёшда.
