“Sevilya” rahbariyati 90 million yevrolik qarzni to‘lashi kerak.

Marca nashri xabariga ko‘ra, buning uchun Andalusiya klubi barcha futbolchilarini sotuvga qo‘ygan. "Sevilya" yaqin orada qarzlarni yopishi kerak.

Avvalroq yarim himoyachi Lukas Okampos Londonning "Fulxem" klubi qiziqishlari doirasiga tushib qolgani haqida xabar berilgandi.

Ispaniya chempionatining so‘nggi mavsumida "Sevilya" muvaffaqiyatsizlikka uchradi. Jamoa turnir jadvalida atigi 12-o‘rinni egalladi. Shu bilan birga, klub finalda “Roma”ni mag‘lub etib, Yevropa Ligasi g‘olibiga aylandi.

16 avgust kuni Andalusiyaliklar UEFA Superkubogi uchun o‘yinda "Manchester Siti" bilan uchrashadilar.