“Севилья” раҳбарияти 90 миллион евролик қарзни тўлаши керак.

Marca нашри хабарига кўра, бунинг учун Андалусия клуби барча футболчиларини сотувга қўйган. "Севилья" яқин орада қарзларни ёпиши керак.

Аввалроқ ярим ҳимоячи Лукас Окампос Лондоннинг "Фулхэм" клуби қизиқишлари доирасига тушиб қолгани ҳақида хабар берилганди.

Испания чемпионатининг сўнгги мавсумида "Севилья" муваффақиятсизликка учради. Жамоа турнир жадвалида атиги 12-ўринни эгаллади. Шу билан бирга, клуб финалда “Рома”ни мағлуб этиб, Европа Лигаси ғолибига айланди.

16 август куни Андалусияликлар УEФА Суперкубоги учун ўйинда "Манчестер Сити" билан учрашадилар.