Ispaniyalik himoyachi Pablo Mari Londonning "Arsenal" klubidan doimiy ravishda "Monsa"ga ko‘chib o‘tdi. Bu haqda “kanonirlar” rasmiy sayti xabar bermoqda.
Eslatib o‘tamiz, 29 yoshli futbolchi o‘tgan mavsumni ijara asosida "Monsa"da o‘tkazgandi. OAVdagi ma’lumotlarga ko‘ra, Mari transferi italiyaliklarga 6,9 million yevroga tushgan.
O‘tgan mavsumda futbolchi barcha turnirlarni hisobga olgan holda 31 ta o‘yinda maydonga tushib, bitta gol urgan.
2022/23 yilgi mavsum yakunida "Monsa" 38 uchrashuvda 52 ochko to‘plashga muvaffaq bo‘lib, Italiya chempionati turnir jadvalida 11-o‘rinni egalladi. A Seriyaning yangi mavsumi 19 avgustda boshlanadi.