Испаниялик ҳимоячи Пабло Мари Лондоннинг "Aрсенал" клубидан доимий равишда "Монца"га кўчиб ўтди. Бу ҳақда “канонирлар” расмий сайти хабар бермоқда.
Эслатиб ўтамиз, 29 ёшли футболчи ўтган мавсумни ижара асосида "Монца"да ўтказганди. ОAВдаги маълумотларга кўра, Мари трансфери италияликларга 6,9 миллион еврога тушган.
Ўтган мавсумда футболчи барча турнирларни ҳисобга олган ҳолда 31 та ўйинда майдонга тушиб, битта гол урган.
2022/23 йилги мавсум якунида "Монца" 38 учрашувда 52 очко тўплашга муваффақ бўлиб, Италия чемпионати турнир жадвалида 11-ўринни эгаллади. A Сериянинг янги мавсуми 19 августда бошланади.
