"Real Madrid" bosh murabbiyi Karlo Anchelotti jamoasi himoyasining chap tomonini kuchaytirmoqchi.

Avval xabar berganimizdek, klub Ferland Mendini sotish masalasini jiddiy o‘ylamoqda, buni italiyalik mutaxassis qo‘llab-quvvatlamayapti. Madrid Xtra xabariga ko‘ra, Anchelotti chap qanotda raqobatni kuchaytirmoqchi, ammo bu o‘rin uchun o‘yinchilarni sotib olish "Real Madrid" tomonidan yozgi transfer oynasida ustuvor vazifa sifatida ko‘rilmaydi.

Eslatib o‘tamiz, "qaymoqranglilar" safiga yaqinda "Rayo Valyekano"dan 5 million yevro evaziga ko‘chib o‘tgan chap qanot himoyachisi Fran Garsiya qo‘shildi. Aynan u kelasi mavsumda asosiy tarkibdan joy olish uchun Ferland Mendi bilan raqobatlashishi kerak.