"Реал Мадрид" бош мураббийи Карло Анчелотти жамоаси ҳимоясининг чап томонини кучайтирмоқчи.

Аввал хабар берганимиздек, клуб Ферланд Мендини сотиш масаласини жиддий ўйламоқда, буни италиялик мутахассис қўллаб-қувватламаяпти. Madrid Xtra хабарига кўра, Анчелотти чап қанотда рақобатни кучайтирмоқчи, аммо бу ўрин учун ўйинчиларни сотиб олиш "Реал Мадрид" томонидан ёзги трансфер ойнасида устувор вазифа сифатида кўрилмайди.

Эслатиб ўтамиз, "қаймоқранглилар" сафига яқинда "Райо Вальекано"дан 5 миллион евро эвазига кўчиб ўтган чап қанот ҳимоячиси Фран Гарсия қўшилди. Айнан у келаси мавсумда асосий таркибдан жой олиш учун Ферланд Менди билан рақобатлашиши керак.