Xorvatiya terma jamoasi va Zagrebning “Dinamo” klubi darvozaboni Dominik Livakovich faoliyatini so‘nggi Turkiya chempionati kumush medali sovrindori “Fenerbaxche”da davom ettirishi mumkin. Fabrisio Romanoning ijtimoiy tarmoqlarda xabar berishicha, turk klubi allaqachon darvozabon uchun taklif bilan chiqqan.
Eslatib o‘tamiz, futbolchiga Ispaniyaning "Vilyarreal" va Italiyaning "Fiorentina" klublari ham da’vogarlik qilmoqda. Romanoning so‘zlariga ko‘ra, har uchala klub allaqachon darvozabon uchun takliflar bildirgan.
Livakovich 28 yoshda, uning "Dinamo" bilan shartnomasi yana bir mavsumga amal qiladi.
