Хорватия терма жамоаси ва Загребнинг “Динамо” клуби дарвозабони Доминик Ливакович фаолиятини сўнгги Туркия чемпионати кумуш медали совриндори “Фенербахче”да давом эттириши мумкин. Фабрицио Романонинг ижтимоий тармоқларда хабар беришича, турк клуби аллақачон дарвозабон учун таклиф билан чиққан.
Эслатиб ўтамиз, футболчига Испаниянинг "Вильярреал" ва Италиянинг "Фиорентина" клублари ҳам даъвогарлик қилмоқда. Романонинг сўзларига кўра, ҳар учала клуб аллақачон дарвозабон учун таклифлар билдирган.
Ливакович 28 ёшда, унинг "Динамо" билан шартномаси яна бир мавсумга амал қилади.
