"Ayaks" markaziy himoyachisi Yurriyen Timber Londonning "Arsenal" klubiga o‘tadi.
So‘nggi kunlarda klublar o‘rtasidagi muzokaralar yakuniy bosqichda, endilikda "kanonirlar" "Ayaks" bilan yakuniy kelishuvga yaqinlashib qolishdi. Insayder Fabrisio Romanoning so‘zlariga ko‘ra, hammasi 22 yoshli futbolchining transferi kelasi hafta yakunlanishidan dalolat beradi.
Avvalroq OAVda xabar qilinganidek, Yurriyen Timber "Arsenal"ga 40 million yevrodan ko‘proq tushadi. Niderlandiyalik futbolchi London klubi bilan 5 yillik shartnomaga kelishib oldi.
Timber "Ayaks"ning asosiy jamoasi uchun 121 o‘yinda maydonga tushib, 6 gol va 4 golga assistentlik qilgan.