"Аякс" марказий ҳимоячиси Юрриен Тимбер Лондоннинг "Арсенал" клубига ўтади.
Сўнгги кунларда клублар ўртасидаги музокаралар якуний босқичда, эндиликда "канонирлар" "Аякс" билан якуний келишувга яқинлашиб қолишди. Инсайдер Фабрицио Романонинг сўзларига кўра, ҳаммаси 22 ёшли футболчининг трансфери келаси ҳафта якунланишидан далолат беради.
Аввалроқ ОАВда хабар қилинганидек, Юрриен Тимбер "Арсенал"га 40 миллион евродан кўпроқ тушади. Нидерландиялик футболчи Лондон клуби билан 5 йиллик шартномага келишиб олди.
Тимбер "Аякс"нинг асосий жамоаси учун 121 ўйинда майдонга тушиб, 6 гол ва 4 голга ассистентлик қилган.