“Manchester Siti”ning portugaliyalik yarim himoyachisi Bernardu Silva transfer bozorida xaridorgir. Bu haqda Sky Sports jurnalistlari xabar bermoqda.
Yarim himoyachining xizmatlariga "Barselona", Fransiyaning "PSJ" va Saudiya Arabistoni chempionati klublaridan biri qiziqish bildirmoqda. Yaqin Sharq vakillari yulduz futbolchiga yiliga 90 million yevro to‘lashga tayyor.
Bernardu 2017 yilning yozidan buyon "shaharliklar" safida o‘ynamoqda. Tomonlar o‘rtasidagi mehnat shartnomasi muddati 2025 yil o‘rtalarigacha hisoblanadi. Transfermarkt portali portugaliyalik futbolchini 80 million yevroga baholagan.
O‘tgan mavsumda Silva "Siti" bilan birga trebl qayd etgandi.