“Манчестер Сити”нинг португалиялик ярим ҳимоячиси Бернарду Силва трансфер бозорида харидоргир. Бу ҳақда Sky Sports журналистлари хабар бермоқда.
Ярим ҳимоячининг хизматларига "Барселона", Франциянинг "ПСЖ" ва Саудия Арабистони чемпионати клубларидан бири қизиқиш билдирмоқда. Яқин Шарқ вакиллари юлдуз футболчига йилига 90 миллион евро тўлашга тайёр.
Бернарду 2017 йилнинг ёзидан буён "шаҳарликлар" сафида ўйнамоқда. Томонлар ўртасидаги меҳнат шартномаси муддати 2025 йил ўрталаригача ҳисобланади. Transfermarkt портали португалиялик футболчини 80 миллион еврога баҳолаган.
Ўтган мавсумда Силва "Сити" билан бирга требл қайд этганди.