Ukrainaning “Shaxtyor” klubi jamoa bosh murabbiyi Igor Yovichevich bilan xayrlashganini e’lon qildi.
“Igor Yovichevichga sifatli ish va professionallik, go‘zal g‘alabalar va unutilmas tuyg‘ular uchun rahmat. "Shaxtyor" tarixiga o‘z nomlaringizni abadiy yozib qoldirgan yorqin mavsum bo‘ldi", - deyiladi klub rasmiy sayti nashrida.
Yovichevich o‘tgan yilning iyul oyidan buyon “Shaxtyor”ni boshqarib kelayotgan edi. Uning boshchiligida jamoa Ukraina chempioniga aylandi. “To‘q sariq-qoralar” ushbu murabbiy qo‘l ostida 24 g‘alaba, o‘nta durang va 6 mag‘lubiyat qayd etgan.
