"Yuventus" "Chelsi"ning hujumchi Dushan Vlaxovich borasidagi taklifini rad etdi.

Get Football News Italyning ta’kidlashicha, London klubi 23 yoshli serb uchun turinliklar jamoasiga 60 million yevro taklif qilgan, biroq "Yuventus" o‘z futbolchisini bunday pul evaziga qo‘yib yuborishdan bosh tortgan.

Manbaga ko‘ra, "keksa sinyora" Vlaxovichni sotish orqali kamida 70 million yevro ishlab olmoqchi.

Eslatib o‘tamiz, hujumchi 2022 yilning yanvarida "Fiorentina"dan "Yuventus"ga o‘tgan edi. Hujumchining transferi turinliklar uchun 81 million yevroga tushgan.

Vlaxovich va klub o‘rtasidagi amaldagi kelishuv 2026 yilning iyun oyi oxirigacha amal qiladi.