"Vilyarreal" vingeri Samuel Chukvueze "Milan"ga o‘tishga rozi bo‘ldi.
La Gazzetta dello Sport xabariga ko‘ra, 24 yoshli futbolchi "rossonerilar"dan yiliga 3 million yevro va bonuslar taklifini qabul qildi. Bunday kelishuv uni Italiya klubidagi eng ko‘p maosh oluvchi futbolchilardan biriga aylantiradi.
"Milan" nigeriyalik futbolchini qo‘lga kiritish uchun "Vilyarreal" bilan muzokaralarni boshlamoqchi. Ispanlar kamida 25 million yevro va bonuslar olishni xohlashadi, “rossonerilar” 20 million yevrodan ko‘proq pul to‘lamoqchi emas.
2022/23 yilgi mavsumda Chukvueze La Liganing 37 ta uchrashuvida maydonga tushib, 6 ta gol va 4 ta golli uzatmaga mualliflik qilgan.