"Вильярреал" вингери Самуэл Чуквуэзе "Милан"га ўтишга рози бўлди.
La Gazzetta dello Sport хабарига кўра, 24 ёшли футболчи "россонерилар"дан йилига 3 миллион евро ва бонуслар таклифини қабул қилди. Бундай келишув уни Италия клубидаги энг кўп маош олувчи футболчилардан бирига айлантиради.
"Милан" нигериялик футболчини қўлга киритиш учун "Вильярреал" билан музокараларни бошламоқчи. Испанлар камида 25 миллион евро ва бонуслар олишни хоҳлашади, “россонерилар” 20 миллион евродан кўпроқ пул тўламоқчи эмас.
2022/23 йилги мавсумда Чуквуэзе Ла Лиганинг 37 та учрашувида майдонга тушиб, 6 та гол ва 4 та голли узатмага муаллифлик қилган.