"Arsenal" rahbariyati ikki nafar yangi futbolchini tibbiy ko‘rikdan o‘tkazish sanasini belgilab, shartnoma imzolashga yaqinlashdi.
Daily Mail xabariga ko‘ra, "kanonirlar" Deklan Rays va Yurriyen Timber bo‘yicha kelishuvlarni shu hafta oxirigacha yakunlashni kutmoqda.
Xabar qilinishicha, har ikki futbolchini tibbiy ko‘rikdan o‘tkazish yaqin kunlarga rejalashtirilgan.
"Vest Xem" yarim himoyachisining shartnomasining yakuniy tafsilotlari bo‘yicha muzokaralar 3-iyul, dushanba kuni davom etadi va yaqin 24 soat ichida to‘liq kelishuvga erishiladi.
"Ayaks" futbolchisiga kelsak, futbolchi Londonga ko‘chib o‘tishidan oldin klublar rasmiyatchiliklarni bajarishlari kerak.
Eslatib o‘tamiz, Deklan Rays tarixdagi eng qimmat ingliz futbolchisiga aylanadi. "Arsenal" uning uchun 105 million funt sterlingdan ko‘proq to‘laydi. Timberning transfer narxi 67 million funtdan 70 million funtgacha bo‘ladi.