"Арсенал" раҳбарияти икки нафар янги футболчини тиббий кўрикдан ўтказиш санасини белгилаб, шартнома имзолашга яқинлашди.
Daily Mail хабарига кўра, "канонирлар" Деклан Райс ва Юрриен Тимбер бўйича келишувларни шу ҳафта охиригача якунлашни кутмоқда.
Хабар қилинишича, ҳар икки футболчини тиббий кўрикдан ўтказиш яқин кунларга режалаштирилган.
"Вест Хэм" ярим ҳимоячисининг шартномасининг якуний тафсилотлари бўйича музокаралар 3-июль, душанба куни давом этади ва яқин 24 соат ичида тўлиқ келишувга эришилади.
"Аякс" футболчисига келсак, футболчи Лондонга кўчиб ўтишидан олдин клублар расмиятчиликларни бажаришлари керак.
Эслатиб ўтамиз, Деклан Райс тарихдаги энг қиммат инглиз футболчисига айланади. "Арсенал" унинг учун 105 миллион фунт стерлингдан кўпроқ тўлайди. Тимбернинг трансфер нархи 67 миллион фунтдан 70 миллион фунтгача бўлади.
