"Brayton" rahbariyati Yevropa ligasida bo‘lajak ishtiroki oldidan tarkibni kuchaytirish imkoniyatlarini o‘rganmoqda.

Brighton Bubble xabariga ko‘ra, "chaykalar" "Ayaks" himoyachisi Kalvin Bessini sotib olishga yaqin turibdi. Bitim summasi 15 dan 20 million yevrogacha bo‘lishi mumkin. Xabar qilinishicha, barcha tomonlar kelishuv yaqin soatlarda yakunlanishi mumkinligiga umid qilmoqda.

Eslatib o‘tamiz, Bessi o‘tgan mavsumda "Reynjers"dan Niderlandiya grandiga kelib qo‘shilgandi. Transfermarkt portali 23 yoshli nigeriyalik himoyachining narxini 15 million yevroga baholamoqda.