"Брайтон" раҳбарияти Европа лигасида бўлажак иштироки олдидан таркибни кучайтириш имкониятларини ўрганмоқда.
Brighton Bubble хабарига кўра, "чайкалар" "Аякс" ҳимоячиси Калвин Бэссини сотиб олишга яқин турибди. Битим суммаси 15 дан 20 миллион еврогача бўлиши мумкин. Хабар қилинишича, барча томонлар келишув яқин соатларда якунланиши мумкинлигига умид қилмоқда.
Эслатиб ўтамиз, Бэсси ўтган мавсумда "Рейнжерс"дан Нидерландия грандига келиб қўшилганди. Transfermarkt портали 23 ёшли нигериялик ҳимоячининг нархини 15 миллион еврога баҳоламоқда.
