Angliyaning "Brayton" klubi o‘zining rasmiy manbalari orqali belgiyalik darvozabon Bart Verbruggen bilan shartnoma imzolaganini e’lon qildi.

Transfermarkt xabariga ko‘ra, "Anderlext"ning belgiyalik yosh darvozaboni uchun tovon puli 20 million yevroni tashkil qilgan va tomonlar besh yillik shartnoma imzolagan.

Verbruggen endigina 20 yoshda, u Gollandiyaning "NAK Breda" futbol klubi tarbiyalanuvchisi hisoblanadi. Uch yil oldin, 2020 yilning yozida u “Anderlext”ga o‘tgandi.

Eslatib o‘tamiz, "Brayton" kelasi mavsumda birdaniga to‘rtta frontda o‘ynashi kerak. An’anaviy uchta ingliz musobaqasidan tashqari, Roberto de Zerbi jamoasi UEFA Yevropa Ligasida o‘ynash imkoniyatiga ega bo‘ldi, chunki o‘tgan mavsum oxirida jamoa Premyer-ligada oltinchi o‘rinni egalladi.