Англиянинг "Брайтон" клуби ўзининг расмий манбалари орқали бельгиялик дарвозабон Барт Вербругген билан шартнома имзолаганини эълон қилди.
Transfermarkt хабарига кўра, "Андерлехт"нинг бельгиялик ёш дарвозабони учун товон пули 20 миллион еврони ташкил қилган ва томонлар беш йиллик шартнома имзолаган.
Вербругген эндигина 20 ёшда, у Голландиянинг "НАК Бреда" футбол клуби тарбияланувчиси ҳисобланади. Уч йил олдин, 2020 йилнинг ёзида у “Андерлехт”га ўтганди.
Эслатиб ўтамиз, "Брайтон" келаси мавсумда бирданига тўртта фронтда ўйнаши керак. Анъанавий учта инглиз мусобақасидан ташқари, Роберто де Зерби жамоаси УEФА Европа Лигасида ўйнаш имкониятига эга бўлди, чунки ўтган мавсум охирида жамоа Премьер-лигада олтинчи ўринни эгаллади.
