Ukrainalik afsonaviy hujumchi Andriy Shevchenko hamyurti Mixail Mudrikning “aristokratlar” safida o‘ynash imkoniyatlari haqida o‘z fikrlari bilan o‘rtoqlashdi.

"Mixailda Premyer-ligada o‘ynash uchun hamma narsa bor. U sabrli bo‘lishi va mehnatsevarligini ko‘rsatishi kerak. Keyin unga imkoniyat berishadi. Premyer-liga juda raqobatbardosh chempionat, u dunyodagi eng yaxshi ligalardan biri. Unga transfer uchun to‘langan pul ham ta’sir ko‘rsatmoqda", - deydi Shevchenko.

Mudrik "Chelsi"ga qishki transfer oynasida qo‘shildi. Bitim 70 million yevroni tashkil qildi. Ukrainalik futbolchi “Chelsi” safida 17 ta o‘yinda 2 ta golli uzatmani amalga oshirgan.