Himoyachi Inigo Martines tez orada "Barselona" futbolchisiga aylanadi.
Kataloniya klubi va 32 yoshli futbolchi o‘rtasidagi kelishuv so‘nggi mavsum yakunida ma’lum bo‘ldi. Hozir, jurnalist Aleks Pintanelning xabar berishicha, shartnoma imzolangan va yakunlangan - u 2025 yilning yoziga qadar hisoblangan. Chorshanba kuni "Barselona" himoyachining transferini rasman tasdiqlaydi.
Eslatib o‘tamiz, Inigo Martines 1 iyul kuni erkin agent maqomini olgandi. U avvalroq Bilbaoning "Atletik" jamoasida o‘ynagan.
Umuman olganda, Martines faoliyati davomida La Liganing 357 ta o‘yinida 22 ta gol va 7 ta golli uzatmaga mualliflik qilgan.
